「城隍庙豫园」老庙黄金全国分店(老庙黄金全国有多少家专卖店)

最近很多人在问「城隍庙豫园」老庙黄金全国分店(老庙黄金全国有多少家专卖店)，今天神州网就「城隍庙豫园」老庙黄金全国分店(老庙黄金全国有多少家专卖店)展开分析。

上海老城隍庙是中国第一代“吃货”根据地，为什么这说？这里发生了什么故事呢？听老上海人来讲一讲吧。（文/马尚龙 主播/丁婷婷 图 / 桑麟康）

如果讲，老城隍庙是中国第一代“吃货”津津有味个根据地，那么，老城隍庙也是中国第一代贤妻良母小百货个集中营。老城隍庙勿是四大公司，伊种介地方是买撑面子个物事【makshy】，老城隍庙是买过日脚个东西，日用小百货，连大口玻璃瓶搿样个东西，连热水瓶塞头搿样个小物事，侪可以辣老城隍庙里买到。多年后有位先生个姆妈突然行动勿便，迭位先生急于买一根拐杖，到阿里去买？伊个姆妈提醒伊，老城隍庙呀，伊搭块肯定有。伊去了，果然呒没错。当年辣城隍庙买日用品个勿会是佣人，勿会是有铜钿个太太，只有贤妻良母。也只有贤妻良母对老城隍庙五香豆更加钟情，勿剥皮勿吐核，边走边吃且勿失女人个样子。而且派头大开销省，回到屋里分一点拨人家也舍得。

有吃，有买，有九曲桥，有鱼，依旧是小朋友和女人们个喜欢；再往前，始建于清朝个湖心亭，搿个是爷爷辈个人喫茶听评弹个地方，蒋调、张调、徐调、琴调，拂过湖中荷花，沿着九曲桥而弥散。介许多年过来，迭个有声有色个美景，仍旧是美景。只是人太多，伊丽莎白二世和克林顿辣湖心亭品茗赏荷之视线所及，那是阿拉及不了了。

再往里走，会经历老城隍庙意境最大个反差。卖梨膏糖，代表了最市井世俗个吆喝，搿种吆喝逐渐成为了勿着边际信口胡说个代名词，脱卖狗皮膏药是差勿多个意思。紧接着迭能一种市井风情，便是到了中国第一代小资个舒卷怡情个集散地，豫园。历来上海人是将老城隍庙告豫园当作连体个风情地，实际上，正是雅俗两种文化个巧妙对接。可以佐证个是，2013年9月，中国邮政发行了《豫园》特种邮票，一套四枚，有豫园个景致，也有湖心亭九曲桥个全貌——老城隍庙告豫园难分彼此。有情调个男女，逛了城隍庙后会去豫园漫步，稍好个人家，会辣豫园拍一张全家福。1980年代初期，电视台好几年中秋晚会，都安排辣豫园，赏月，赏桂。比起当下很多电视晚会奢侈掩盖着个苍白，比也勿能比。

搿就是老城隍庙，也是感觉上具有唯一性个老城隍庙。城隍庙勿是唯一，城隍庙里个元素组合、城隍庙与豫园个对接才是唯一。甚至老城隍庙里几十年间有一家全中国独一无二个店，真正个独此一家别无分店：“永青假发店”。小辰光每一次经过，都会笑出声来个张望，很想看到一个秃头进去……未曾想几十年过后，自家也成了“绝顶”聪明个人。

永青假发做勿到永青，但是老城隍庙个世俗生命力真是永葆青春。“老庙黄金”是上海黄金饰品个品牌。论资历脱历史，老庙黄金比勿上老凤祥，老凤祥是从创始于1848年个老凤祥银楼而来，老庙黄金已经是1982年个事情了，但是老庙黄金拥有一份全国纪录，伊是国务院批准国内恢复销售黄金饰品后上海开设个第一家黄金零售点。为啥上海老城隍庙还有一家老庙黄金，其实两者间呒没从属关系，但是啥人又能说两者间呒没互为因果个生长？搿一家沾了老城隍庙仙气个黄金珠宝饰品店，沾到个是老城隍庙市井民俗却勿乏情调意境个大上海文化，沾到个是脱老城隍庙一样个勿唯一中个唯一。